Comezou en 1988 publicando na revista "Citania", para se sumar pouco despois ao "Frente Comixario". Fixo traballos para a publicación deste activo grupo e mais para o fanzine "Lendia Prea". Ademais foi o autor dos sete números do fanzine "Gor e Nar". Contribuiu xa en 1991 ao I Certame Ourense de BD co gallo das III Xornadas de BD de Ourense. Colaborou tamén con publicacións como o xornal "La Región", coa serie "Familia Pertetua", "Bem" e "Gigamesh", ademais de desenvolver obras para publicidade e cinema documental. Un dos seus traballos máis destados foi a realización dos debuxos para o CD-ROM "Galingua". Asinou a serie "A escola de Vilaverzas" para as dúas etapas da revista "Golfiño". Fixo man a man con Kiko da Silva os cómics "Maiópolis" (ed.CC OO) e "Pol & Cía" (ed.Xunta). Tamén incursiona no campo de 3D co proxecto animado "As aventuras de Ventura". Fixo tándem con Javi Montes na serie Rocket B da revista Mister K, realizando o guión dun total de 54 páxinas de cómic.

Palmarés
Premio Ourense 1994 ao mellor autor afeccionado, da Casa da Xuventude de Ourense, por "O anel encantado". Premio Ourense á mellor iniciativa do ano 1995, da Casa da Xuventude de Ourense, pola serie "A familia perpetua" (en "La Región"), xunto con Héitor Real e Miguel Anxo Carvalho. En 1993 recibiu o 1º premio no IX Concurso Galego de BD por "Estades mortos". Gañador do 3º premio no XI Concurso Galego de Banda Deseñada Xuventude 95 por "Si, claro...".

---

---

---

  Noticias relacionadas